TIMARAKA: 100 NKARHI: 2½ wa tiawara
Papila leri ri na 7 wa tipheji.
SWITSUNDZUXO
Papila leri ri avanyisiwile hi swiyenge swinharhu:
U languteriwa ku hlamula xivutiso XIN'WE eka xiyenge xin'wana na xin'wana.
Hlamula swivutiso hinkwaswo hi ririmi ra Xitsonga.
Sungula ku hlamula xivutiso xin'wana na xin'wana eka pheji yintshwa u tlhela u nkhwatihata emakumu ka xiyenge xin'wana na xin'wana.
Nombora nhlamulo hilaha swivutiso swi nomboriweke hakona. Nyika nhlamulo yin'wana na yin'wana nhlokomhaka leyi faneleke.
Endla nkunguhato u nga si sungula ku tsala ntirho wa wena. Tirhisa pheji yin'we ntsena ku kombisa leswi u kunguhatiseke xiswona xitsalwana xa wena. Le henhla ka pheji leyi ku fanele ku tsariwa hi maletere lamakulu leswaku i NKUNGUHATO. U nga tirhisa mimepe yo hlengeleta miehleketo. Loko u hetile ku tsala, bana ntila wu hingakanya nkunguhato wun'wana na wun'wana.
Tsala hi vurhon'wana (swi saseka no vonaka), u landzelela milawu leyi faneleke ya mapeletelo, mahikahatelo na mavumbelo ya swivulwa.
Landzelela swiletelo leswi andlariweke eka xivutiso xin'wana na xin'wana.
Tirhisa kwalomu ka 80 wa timinete eka XIYENGE xa A, 40 wa timinete eka XIYENGE xa B na 30 wa timinete eka XIYENGE xa C.
XIYENGE XA A: SWITSHURIWA SWA SWITSALWANA
XIVUTISO XA 1
SWILETELO
Hlawula nhlokomhaka yin'we ntsena leyi u yi twisisaka swinene, kutani u tsala xitsalwambiko hi yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwana xa wena xi fanele ku va kwalomu ka 250 - 300 wa marito.
Vaakatiko va le ka ndhawu ya ka n'wina va twananile ku teka nawu va wu veka emavokweni ya vona hikwalaho ko ka va nga enerisiwi hi matirhelo ya maphorisa. Hlamusela leswi va nga tshama va endla swona hi ntlawa wa tinsulavoya leti a ti mi karhata emugangeni. [50]
KUMBE
Siku rin'wana a mi ri eku khideni edan'wini, kutani munghana wa wena a vutliwa hi ngwenya. Hlamusela leswi swi nga humelerisa xiswona u ri karhi u kombisa leswi a wu titwisa xiswona ku kondza munghana wa wena a ya pona a ri exibedhlele. [50]
KUMBE
Ndzawulo ya rihanyo yi susumeta leswaku tin'anga ta Xilungu na ta Xintima ti hamba ti tirhisana. Xana mhaka leyi u vona leswaku yi ta pfuna ke? Nyika vonelo ra wena u tlhela u seketela. [50]
KUMBE
Vudakwa hi byona byi endlaka leswaku miti yo tala yi hahluka. Aneka mhaka leyi u ri karhi u nyika swikombiso swo amukeleka. [50]
KUMBE
Xiyimo xa matshamelo yo fana na lama ma vonakaka laha hansi xi tale ngopfu laha Afrika-Dzonga. Andlala tindlela leti nga tirhisiwaka ku antswisa xiyimo lexo tano?
KUMBE
Tinghwavava ti nyikiwile mpfumelelo wo tirha handle ko kavanyetiwa hi nkarhi wa khapu ya 2010. Aneka miehleketo ya wena ehenhla ka mhaka leyi. [50]
KUMBE
Ku va munhu a ri na swirhalanganyi swa le mirini a swi siveli ku humelela evuton'wini. Kanela mhaka leyi u ri karhi u nyika swikombiso leswi khorwisaka. [50]
KUMBE
Ku va vatswari va tinyika nkarhi wo fana na lowu endliwaka hi manana loyi i swa nkoka eka vana lavatsongo. Kombisa nkoka wa maendlelo lamo tano.
Xi huma eka DRUM ya Nyenyanyana 2009 50 NTSENGO WA XIYENGE XA A: 50
XIYENGE XA B: SWITSHURIWA SWA SWITSALWAMBIKO SWO LEHA XIVUTISO XA 2 SWILETELO
Hlawula nhlokomhaka yin'we ntsena leyi u yi twisisaka swinene, kutani u tsala xitsalwambiko hi yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 120 - 150 wa marito.
Sungula nhlamulo ya wena eka pheji yintshwa.
Papila ra xinghana Tsalela malume wa wena papila, u n'wi kombela leswaku a ta ahlula mhaka ya vamakwenu lava nga twananiki. [30] KUMBE
Mbulavulo
Ku ta va na ntlangu wo tlangela mbuyelo wa Giredi ya 12 exikolweni xa n'wina. Wena tanihi murhangeri wa machudeni lulamisa mbulavulo wa siku leri. [30]
KUMBE
Ajenda na makanelwa ya nhlengeletano Tsala ajenda na makanelwa ya nhlengeletano leyi a mi ri na yona ekerekeni ya n'wina. [30] KUMBE
Memorandamu Hi ku yimela muganga wa ka n'wina, tsalela Khanselara memorandamu mayelana na matholelo eka phurojeke leyi nga sunguriwa. [30] NTSENGO WA XIYENGE XA B: 30
XIYENGE XA C: SWITSHURIWA SWA SWITSALWAMBIKO SWO KOMA XIVUTISO XA 3 SWILETELO
Hlawula nhlokomhaka yin'we leyi u yi twisisaka swinene, kutani u tsala xitsalwambiko hi yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 80 - 100 wa marito.
Khadi Tsalela munghana wa wena khadi ro n'wi navelela leswaku a hatla a hola emavabyini ya yena. [20] KUMBE
Swileriso Tanihileswi u nga murhangeri etlilasini ya n'wina, xaxameta swileriso swa matikhomelo ya vadyondzi. [20] KUMBE
Xinavetiso Ku na vhengele leri ra ha ku pfuriwaka ro xavisa swa Xintu. Endla xinavetiso hi vhengele leri. [20]
NTSENGO WA XIYENGE XA C: 20 NTSENGO WA TIMARAKA: 100
